Ish-Kryeministri Sali Berisha nga foltorja e Parlamentit tha se miliona euro të aferës së inceneratorëve kanë përfunduar në xhepat e qeveritare dhe jo në xhepat e Stela Gugalljes, Klodian Zotos apo Mirel Mërtirit.
Berisha tha se gjatë punimeve të Komisionit Hetimor janë dëgjuar strukje të hajdutëve, pohime të gënjeshtërta, dëshmi të vlefshme, por mendoj se pohimi i njeriut absolut në këtë aferë, Edi Ramës, e cila është një grup i strukturuar kriminal, është çelësi për të zbërthyer gjithçka.
“Afera nisi në 2014 me një kompani që kurrë nuk ishte marrë me plehra, as me djegësa, që pretendohej se ishte e Zotos, Gugalljes tj, ishte absolutisht e qeveritarëve. U firmosën 17 dokumente brenda 24 orëve dhe iu dha 22mln euro për djegësin e Elbasanit, dhe kompania që mund ta quajmë Rama-Agaçi, Ahmetaj-Gjiknuri, kjo kompani prokuron në Lugano një djegës dhe e instalon atë me çelësa në dorë për 12 mln euro, ndërsa 10 mln euro mbeten në kontot e qeveritarëve”, tha Berisha.
Sipas tij, kjo smund të bëhej kurrë pa firmën dhe vulën e Qeverisë.
“Mos mendoni se nga inceneratori i Elbasanit 15 mln euro kanë përfunduar në xhepat e këtyre të trete, por në xhepat e qeveritarëve. Kjo ndodhi edhe në Fier, ndërsa në Tiranë vjedhja u bë me stil nga kompania Gugalle e Erion Veliajt.
Komisioni hetimor ndahet me dy qëndrime, njëra që pranon 100 mln dhe tjetra që thotë 420 mln. Na thoni këtu ku kanë shkuar 420 mln?
Historia e aferës së inceneratorëve nis me hajdutin e dobishëm Lefter Koka, dhe vijon me kreun e meduzës, Edi Rama, Arben Ahmetajn, Engjëll Agaçin, Damian Gjiknurin, Erion Veliajn”, tha Berisha.
Sipas tij, tani fillon sharra të presë flori për Edi Ramën, pasi çdo ton mbetje depozitohet në Sharrë duke paguar 28 euro për ton. “Do të ndërtohej me 128 mln djegësi, ndërkohë që nuk ka djegës fare. Kemi të bëjmë me një skemë klasike vjedhjeje. Akt-akuza e ngritur ndaj Lefter Koka, është 100 % e përshtatshme për Edi Ramën, Engjëll Agaçin, Arben Ahmetajn, Damian Gjiknurin dhe Erion Veliajn”, tha Berisha.
Deklarata në Kuvend e Berishës
Është fakt se të dy këto raportet faktojnë vjedhjet e pamohueshme.
Njëri prej raporteve flet për 420 milionë euro, raporti tjetër pohon se s’bëhet fjalë për 420 milionë, por për 100 milionë dhe kjo u duket pak.
Strukje të hajdutëve, por mbi të gjitha në këtë komision mendoj se pohimi i njeriut me përgjegjësi absolute kryesore në këtë aferë, aferë e cila është tërësisht e një grupi kriminal të organizuar, pohimi i Edi Ramës se ka shkelur ligjin, apo se nuk ka respektuar procedurën është çelësi për të kuptuar gjithçka.
Afera filloi në vitin 2014-të me një kompani që nuk ishte marrë me plehrat, por pretendonte të ishte e Zotos-Gugallias etj, por në fakt ajo ishte fiks e qeveritarëve. Kësaj kompanie duke firmosur 17 dokumenta në 24 orë, me negociim pa shpallje pa tender pa asgjë, me korrupsion të sigurtë i jepej 22 milionë euro për djegësin e Elbasanit. Kompania Ahmeti-Gjiknuri, mund ta quajmë Rama-Agaçi, mund ta qaujmë Metani, kjo kompani prokuron në Lugano një djegës e instalon atë me çelësa në dorë për 12 milionë euro, 10 milionë euro ngelen në kontot e qeveritarëve që vepruan në mënyrë të rrufeshme.
Kjo nuk mund të bëhej kurrë pa angazhim total të të gjithë qeverisë. Nëse qeveritarët nuk do të donin të vidhnin paratë fondin ja kalonin Bashkisë së Elbasanit, dhe ajo kursente 12 milionë euro. Komisioni këtu ndahet, ata që pranojnë që janë vjedhur 100 milionë euro, ata sulmojnë na thoni ku janë 420 milionë euro?
Ua them unë ku janë. Në Tiranë është vjedh më me stil, Tiranës i është vjedh fusha e Sharrës, nga kompani private e Gugallias në kompani publike e Erjon Velisë. Tani fillon gjoba, fillon Sharra të presë flori për Edi Ramën. Tani për çdo mbetje do t’i paguhet Veliajt 28 euro për ton.
Këtu kemi të bëjmë me një skenë vjedhjeje. Aktakuza e ngritur ndaj Lefter Kokës hajdutit të dobishëm është për kreun e Meduzës, Engjëll Agaçin, Arben Ahmetajn dhe Erjon Velinë.
