Lajmi i bujshëm i ngrirjes së aseteve të Roman Abramovich nga ana e qeverisë britanike ka shkaktuar reagime të shpejta sidomos në botën e futbollit.
Sanksionet u vendosën për shkak të lidhjes së Abramovich me Putin dhe që njihet si oligark pranë presidentit rus por tashmë efektet do të ndihen te Chelsea madje dhe shumë.
Klubi londinez qe nga sot nuk mundet të bleje asnjë lojtarë në merkato dhe as te shesë, madje madje asnjë lojtarë që ka në skuadër aktualisht nuk mund të rinovojë.
Pér të mos hyrë te situata me lojtarët që ka Chelsea, flasim për Armando Brojën i cili me këto sanksione të tilla do të kthehet zyrtarisht te Chelsea né verë, gjithmonë nëse kjo situatë do të zgjasë deri në qershor.
Pra edhe nëse Southampton do të bënte një ofertë për ta blerë sulmuesin kuqezi, ky operacion nuk do të lejohej nga autoritetet.
Një mundësi do të ishte nëse kontrata e huazimit të Brojës përfshinte në fillim të drejten e blerjes, atëherë do të mundësohej kalimi te Southampton dhe te asnjë ekip tjetër gjithmonë nën efektin e këtyre masave.
Situata mbetet në zhvillim por Broja do të jetë i Chelsea deri në një moment tjetër kur të merren vendime të tjera, por kjo situatë i shkon për shtat pasi gjithmonë ka dashur vetëm fanellën e Chelseat.
