Ballkani ka pësuar disfatën e parë nën drejtimin e trajnerit Ilir Daja teksa është ndalur në transfertë ndaj Malishevës, me vendasit që triumfuan me rezultatin e pastër 2-0. Dy golat e ndeshjes u realizuan në harkun e tre minutave, në të 41-tën dhe 44-tën minutë të pjesës së parë, ndërkohë që në fraksionin e dytë megjithë përpjekjen, Ballkani nuk mundi të ndryshonte fatet e takimit.
Pas kësaj disfate, Ballkani mbetet në vendin e parë me 48 pikë, por që mund ta humbasë në rast të një fitore të Gjilanit ditën e enjte. Sakaq, Malisheva mbetet në vendin e shtatë me 29 pikë. Ndërkaq, Prishtina ka marrë tre pikë në transfertë teksa ka fituar 0-3 ndaj Feronikelit.
Golat për kryeqytetasit u shënuan nga ana e Otto Jonhn dhe Krasniqi në pjesën e parë ndërsa në të dytën shënoi edhe Sulley. Pas kësaj fitoreje, Prishtina është në vendin e gjashtë me 29 pikë, ndërsa Feronikeli mbetet e fundit me 11 pikë. Ndërkohë, në ndeshjen tjetër të javës së 24-tërt, Ulpiana dhe Dukagjini nuk shkuan më shumë se barazimi 1-1.
