Deputetja e Partisë Demokratike, Grida Duma ka dhënë dorëheqjen nga funksioni i nënkryetares së PD.
Vendimin e ka bërë të ditur përmes një statusi në faqen e saj në FB.
“Megjithëse personalisht nuk kam asnjë përgjegjësi në vendimmarrje dhe ia kam shkruar e lënë të dokumentuara vendimet e dëmshme sot deklaroj që jap dorëheqjen si Nën/Kryetare e Partisë Demokratike, duke qenë ky vetëm një prej vendimeve të domosdoshme për demokratët. Partia Demokratike nuk mund të jetë humbëse se duhet që dështaku të fitojë e përfitojë”, shkruan Duma.
Pas humbjes së zgjedhjeve të 6 Marsit, shumë deputetë dhe zyrtarë në PD janë distancuar nga Lulzim Basha, duke deklaruar se ai duhet të mbajë përgjegjësi për rezultatin. Në zgjedhjet e pjesshme lokale, PD doli forcë e tretë në 5 nga 6 bashki.
