Rritja e çmimeve po bëhet çdo ditë e më shumë një problem shqetëues për jetën e shqiptarëve.
Lidhur me këtë situatë aspak të zakontë ka reaguar edhe deputetja e Partisë Demokratike, Albana Vokshi.
Nëpërmjet një statusi në rrjetin social ‘’Facebook’’, Vokshi ka evidentuar problematikën e rritjes së çmimit të transportit për mësuesit, duke e ironizuar situatën si një dhuratë për festën e tyre të 7-Marsit.
‘’Dhurata e qeverisë këtë 7 mars për mësuesit ishte bileta vajtje – ardhje nga 300 lekë është bërë 400 lekë. Qeveria kompenson vetëm 160 lekë në ditë, 240 lekë në ditë i paguajnë vetë mësuesit, 53 mijë lekë më pak në muaj në xhepat e mësuesve, 53 mijë lekë më e ulët paga reale e mësuesve’’,– shkruan ajo.
Vokshi i bën thirrje qeverisë që të kontrollojë çmimin e biletave për transportin mësuesve ose rimbursimin e plotë të tyre.
Shkak për këtë reagim është bërë një mesazh që një mësuese ka adresuar në llogarinë online të deputetes.
