Ferdinand Saraçi, kryetar i degës së PD në Rrogozhinë, por edhe kandidat pvr kryebashkiak në zgjedhjet e 6 marsit, i ka dalë në mbështetje Lulzim Bashës, të cilit mbrëmjen e djeshme iu kërkua dorëheqja nga të paktën 18 deputetë, për ti hapur rrugën zgjedhjeve të brendshme në PD, por edhe bashkimit të demokratëve.
Në takimin që Basha po zhvillon me drejtuesit e degëve, Saraçi tha se me 6 mars kishim përballë Qeverinë dhe Foltoren.
“PS dhe Foltorja patën të deleguar që ndanin para. Ju më dërguat disa deputetë, por vetëm Dash Sula ka qenë në krah. Pati shitblerje të votës. Kanë para e pushtet. Foltorja e dinte se nuk kishte shanse por vazhdoi me shantazhe e blerje votash. Nuk ke faj ti që humba Rrogozhinën, mbaj përgjegjësi vetë dhe duhet të jetë përgjegjësi edhe e deputetëve që ishin. Kërkojnë llogari deputetët që erdhën në fushatë për foto”, mësohet të jetë shprehur Saraçi.
