Deputeti Agron Gjekmarkaj u shpreh për mediat, pas përfundimit të mbledhjes së grupit parlamentar të PD, se Lulzim Basha po reflekton.
Deputetët i kanë kërkuar Bashës dorëheqjen pas humbjes së thellë në 6 mars, ku kandidatët e tij dolën në tretët në zgjedhjet e pjesshme vendore.
Gjekmarkaj tha se PD duhet të triumfojë mbi individitët. Ai shtoi se rezultati i 6 marsit është katastrofik dhe nuk pritej i tillë.
“Basha po reflekton, duhet të prevalojë PD mbi individët. Unë në pamundësi të ndryshoj apo të bëj të tjerët të ndryshojnë, ndyshoj veten, ndaj dhash dorëheqjen nga funksionet që mbaja prej dy muajsh. Rezultati është katastrofik. Askush nuk e kishte menduar këtë rezultat”, u shpreh Gjekmarkaj.
