Gazment Bardhi në një prononcim për mediat nga selia e PD tha se sot nuk është dita për analizë, por për reflektim.
Reagimi i Bardhit vjen një ditë pas zgjedhjeve të pjesshme vendore të 6 marsit, ku në 6 bashki të vendit u zgjodhën kryebashkiakët e rinj. Në këto zgjedhje PD rezultoi forcë e 3, hera e parë në historinë e kësaj partie, ndërsa kandidatët e mbështetur nga ish-Kryeministri Sali Berisha, fituan Bashkinë e Shkodrës, dh dolën të dytët në bashkitë e tjera.
“Nuk është dita për analizë, por për reflektim. Ndjej trishtim që kam parë demokratë që kanë mllef ndaj njëri-tjetrit, ndërkohë që kanë bërë bashkarisht për 8 vite betejat bashkë”, tha Bardhi, duke mos komentuar nëse ai personalisht e konsideron si fitore apo si humbje rezultatin e marrë në 6 bashkitë.
