kandidati i “Shtëpisë së Lirisë” për Bashkinë e Lushnjes, Elton Bano, i cili u rendit i dyti në garën për kryebashkiak, përmes një mesazhi në rrjetet sociale, shprehet se nuk ka çelsa e brava që mund të mbyllin shpirtin opozitar të demokratëve.
Ndërsa shpreh mirënjohjen për votuesit, komisionerët, vëzhguesit e numëruesit për integritetin e treguar gjatë zgjedhjeve, Bano shprehet se në një garë ka vetëm një fitues dhe këtë rradhë nuk jam unë.
“I uroj fitoren Znj Eriselda Sefa! Me shpresën se do të përmbushë pritshmëritë e qytetarëve lushnjarë. Jam krenar pasi i hyra kësaj gare duke shpresuar fort për fitoren e ndryshimin e Lushnjes. Nuk ka çelsa apo brava që mund të mbyllin shpirtin opozitar të demokrateve lushnjarë”, shkruan Bano.
