Ish-deputeti Lefter Maliqi përmes një postimi në rrjetet sociale ka uruar koalicionin “Shtëpia e Lirisë” për fitoren në Shkodër dhe forcë e 2-të në Durrës, Lushnje, Vorë, Rrogozhinë dhe Dibër, si opozita e vërtetë.
Maliqi shpreh bindjen se ajo do ajo do e çojë në fitore frontin opozitar në sfidat e ardhshme.
“Lulit ‘humbësit serial’ i kanë ngelur vetëm muret e selisë, vula, bravat dhe turpi që se njeh. Koha për bashkim! Bashkohuni Shtëpisë së Lirisë, deri në fitoren ndaj Rilindjes se krimit. 100% kjo pjesmarrje e ulët, ku për rezultatin paraprak një ndër arsyet kryesore janë Patrozhanistët, drejtorët, pushteti e krimi, të cilët i kanë joshur duke iu kërkuar e presionuar të mos shkojnë të votojnë etj.
Frontit opozitar tani i del detyra për punë të fortë në bazë, bashkimi i vlerave është e vetmja shpresë mbi këtë të keqe me perballje dinjitoze. Koha nuk pret; në çdo lagje, fshat e qytet; në kontakte të vazhdueshme tani dhe jo 1-2 muajt e fushatës. Të punojmë çdo ditë si në fushatë! Të mundim të keqen!
Të përballemi me çdo mjet me narkoshtetin, të ngremë popullin të marrë pjesë 100% në votime! Të demaskojmë çdo tentativë për blerje e manipulim vote! Të bashkuar do i rrezojmë hajdutët, të korruptuarit, të paaftët dhe do nisim së bashku ndryshimin, zhvillimin; do kthejmë shpresën, besimin për mirëqënie, punësim, investime dhe të ardhmen Europiane. Fitore”, shkruan Maliqi.
