Sopranoja ruse Anna Netrebko është pezulluar nga Opera Metropolitan në New York këtë sezon dhe sezonin e ardhshëm, pasi nuk përmbushi kërkesën që të distancohet nga presidenti Vladimir Putin pasi ai sulmoi Ukrainën.
MET njoftoi se nuk do të punësonte më artistë që mbështesin Putin dhe Netrebko ka bërë ditët e fundit deklarata kritike për luftën, por ka qëndruar e heshtur ndaj presidentit rus, rizgjedhjen e të cilit ajo e ka mbështetur në të kaluarën.
“Është një humbje e madhe artistike për MET dhe për operën,” tha në një deklaratë Peter Gelb, menaxheri i përgjithshëm i kompanisë. “Anna është një nga këngëtaret më të mëdha në historinë e MET, por me Putinin që shkaktoi viktima të pafajshme në Ukrainë, nuk kishte rrugëdalje”.
Në vitin 2008, Netrebko ka marrë çmimin Artiste e Popullit të Rusisë nga Putin dhe në 2014 kishte dhënë një donacion prej 1 milionë rubla për operan e zonës separatiste Donetsk në lindje të Ukrainës.
