Vazhdon numërimi i votave për kryebashkiakun e ri të Durrësit. Nga 337 kuti, janë numëruar 318.
Në krye deri tani është kandidatja e PS, Emiriana Sako me 36.929 vota.
Ajo ndiqet nga Ardian Muka, kandidati i koalicionit “Shtëpia e Lirisë” me 18.877 vota.
I treti në garë është Luan Hoti që ka kandiduar për PD e Lulzim Bashës me 7.590 vota.
Durrësi ishte një nga 6 bashkitë ku një ditë më parë u zhvilluan zgjedhjet e pjesshme lokale.
Deri më tani, tre bashki i kanë fituar socialistët, Vorën, Rrogozhinën, Lushnjen dhe Dibrën.
Ndërsa në dy bashki të tjera votimit vijon – Durrës, ku projektohet po ashtu një fitore e PS, si dhe në Shkodër – ku fitues projektohet Bardh Spahia i Shtëpisë së Lirisë.
PD e Bashës është renditur apo renditet forcë e tretë në 5 nga 6 bashki.
