Ndërkohë që në Bashkinë e Rrogozhinës ka nisur numërimi i votave, kandidati i PD-së, Ferdinand Saraçi është shprehur i sigurt për fitoren e tij, duke iu referuar sondazheve.
Në një prononcim për report Tv, Saraçi shprehet se votat janë blerë me fondet e rindërtimit, por që kjo gjë sipas tij, nuk do ndikojë dhe se do ta marrë ai bashkinë e Rrogozhinës.
“Presim fitoren, nga sondazhet na nxjerrin fitues, janë abuzuar me lekët e tërmetit, nuk është ndjerë tërmeti i nëntorit, janë kompensuar me lekë tërmeti pa pasur dëmtime. Kjo ka ardhur si pasojë e pushtetit vendor dhe qendror me qëllim blerjen e votave, tani janë blerë me lekë tërmeti, ne presim fitoren sonte, nuk do të ndikojë në rezultat.
Ulja e pjesëmarrjes, hatërmbetje e qeverisjes, hatërmbetje e kandidatit, ato që nuk kanë marrë pjesë në votim janë më tepër votues të majtë. Ne kemi marrë elektoratin gri dhe pjesën e PD. Kandidatin ‘Shtëpia e Lirisë’ nuk e konsideroj fare, do e pranoj rezultatin edhe në rast humbjeje, edhe nëse do të humbasim,”- tha Saraçi.
