Dy deklarata të çuditshme janë bërë nga zyrtarët më të lartë të PS-së brenda pak minutash. Fillimisht ishte taulant Balla, Kryetar i Grupit Parlamentar socialist, i cili deklaroi fitoren e kandidates së PS në Bashkinë e Lushnjes, Eriselda Sefa, pak minuta pas mbylljes së procesit të votimit.
Madje Balla ka falenderuar edhe patronazhistët e PS-së lidhur me këtë fitore.
Por, në një komunikim për mediat, Sekretari i Përgjithshëm Damian Gjiknuri u shpreh se procesi zgjedhor i 6 marsit u zhvillua me sukses.
Gjiknuri inkurajoi komisionerët që të kryejë detyrën e saj deri në fund dhe të mos intimidohet nga deklaratat e politikanëve.
“I bëj thirrje të gjithë administratës zgjedhore se gjithçka duhet të shkojë sipas ligjit , të mos intimidohen nga deklarata politike, por të ushtrojnë detyrën e tyre sipas ligjit deri në fund”, tha ai.
Në fakt asnjë nga politikanët, përveç Ballës nuk ka folur për fitore, të paktën deri në reagimin e Gjiknurit, dhe nuk dihet nëse numri 2 i socialistëve e ka pasur reagimin e tij ndaj drejtuesit të qarkut politik të Fierit.
