Ka ardhur humbja e tretë në këtë sezon të Ligue 1 për Paris Saint-Germain, që është mundur 1-0 nga Nice në javën e 27-të të kampionatin francez.
Kuqezinjtë, pasi i kanë eliminuar parisienët nga Kupa e Francës në fillimin e vitit, janë konfirmuar “mace e zezë” për Messi-n me shokë edhe mbrëmjen e sotme. Sfida është vendosur në minutën e 88-të nga një gol i bukur i Delort.
Nice mban vendin e dytë në renditje me 49 pikë, 13 pikë larg PSG-së kryesuese.
Një sinjal aspak i mirë i skuadrës së Mauricio Pochettino-s, që të mërkurën në mbrëmje do të luajnë në Madrid kundër Real-it për të siguruar një vend në çerekfinalet e Champions League.
