Një grua kërcënoi mëngjesin e sotëm se do të hidhej nga taraca e një pallati të një kompleksi në ndërtim në zonën e “Tiranës së Re” në Tiranë. Mësohet se shkak është bërë konflikti mes pronarit të tokës dhe ndërtuesit të këtij kompleksi.
Gruaja që kërcënoi me vetëflijim është identifikuar si 37-vjeçarja Enkelejda Ahmetaj. Dhe është e bija e një prej pronarëve të truallit. Por ndërtuesi i pallatit e ka përjashtuar familjen e saj nga përfitimet që u takojnë atyre sipas ligjit, si bashkëpronarë të truallit.
Sipas familjes Ahmetaj ata kanë fituar disa gjyqe që e detyrojnë pronarin t’u japë përfitimet nga përdorimi i truallit të tyre, por vendimet e gjykatave ende nuk janë zbatuar.
Policia negocioi me gruan dhe e bindi të zbresë pas minutash ankthi dhe paniku të krijuar në zonë. Zjarrëfikësit po ashtu u ndodhen në vendin e ngjarjes.
