Kur kanë mbetur më pas 24 orë nga hapja e qendrave të votimit për zgjedhjet e pjesshme vendore në 6 bashki, denoncohet se Lulzim Basha ende nuk ka arritur të gjejë komisionerë për qendrat e votimit.
Grigels Muçollari, anëtari i Komisionit të Rithemelimit të PD-së, ka publikuar sot shkresën me të cilën KZAZ e Vorës njofton Komisionin Qëndror të Zgjedhjeve se komisionerët e Bashës nuk janë banorë të Vorës, por të Tiranës dhe të Kamzës.
“Diskretitim total”, e ka cilësuar Muçollari.
“‘Selia pa parti’ nuk gjen dot komisionerë për qendrat e votimit. Konkretisht në Vorë, asnjë nga komisionerët e propozuar nga zyra e Bashës nuk është banues i zonës. Nuk arrin të gjejë 4-5 simpatizantë të tij për një komision, pale të marrë vota ky karagjoz! I bëj thirrje atyre pak demokratëve që presin ende që ky të zgjohet, të bashkohen me Shtëpinë e Lirisë dhe të mos diskretitohen nga humbja e radhës”, shprehet ai.
