Zhvillimet e fundit në Ukrainë, kanë bërë që një numër i madh firmash dhe kompanish të huaja t’i bashkohen sanksioneve të Perëndimit ndaj Rusisë, duke mbyllur apo pezulluar aktivitetet në këtë vend.
Kremlini i dënoi ashpër këto vendime dhe e akuzoi Perëndimin se është angazhuar në akte “banditizmi ekonomik” ndaj Rusisë, duke u angazhuar për kundërpërgjigje.
Komentet u bënë nga zëdhënësi i Kremlinit Dmitry Peskov, i cili nuk specifikoi se cila mund të ishte përgjigja, por tha se do të ishte në përputhje me interesat ruse.
Peskov shtoi se Rusia është shumë larg izolimit që vendet e perëndimit po mundohen t’i bëjnë pasi sipas tij bota është më e madhe se SHBA dhe Europa.
