Kjo e Shtunë shënon ditën e “heshtjes zgjedhore” që pason zgjedhjet e pjesshme lokale të Dielën, që do të zhvillohet në 6 bashki të vendit.
Qytetarët do të votojnë për kryetarin e ri të bashkisë në Shkodër, Durrës, Vorë, Lushnje, Rrogozhinë dhe Dibër. I zgjedhuri do të qëndrojë në detyrë deri vitin e ardhshëm, kur do të zhvillohen zgjedhjet e përgjithshme lokale. Ndaj edhe këto zgjedhje priten me interes më së shumti për të përcaktuar në një farë mënyre forcën elektorale më të madhe brenda opozitës – pra për të shkoqitur se kush mes Lulzim Bashës dhe Sali Berishës ka më së shumti mbështetje.
Të dy, si Berisha ashtu edhe Basha kanë pretenduar se kanë pas shumicën e demokratëve.
Sondazhet nga ana tjetër kanë qenë disa dhe rezultatet e dala prej tyre i kanë përfshirë të treja mundësitë. Në disa fituese e të gjitha bashkive apo shumicës janë kandidatët e PS-së së Ramës. Ndërsa të tjera sondazhe nxjerrin fitues kandidatët e “Shtëpisë së Lirisë” të mbështetur nga ish-kryeministri Sali Berisha. Ka po ashtu sondazhe që fitues parashikojnë kandidatët e të PD-së së mbështetur nga Lulzim Basha.
Vëmendja më e madhe është në bashkitë e mëdha në garë si Durrësi dhe Shkodra.
Fushata deri më tani është raportuar përgjithësisht e qetë dhe pa incidente.
Akuzat për tentativë për të blerë vota ka pasur edhe në këto zgjedhje nga ana e opozitës, ndërsa një ditë më parë u publikua një përgjim ku implikohej kandidati i Ramës për Rrogozhinën.
Rezultatet pritet të dalin brenda 48 orëve, garantoi kreu i KQZ-së Ilirjan Celibashi në një deklaratë për mediat të Premten. Përjashtim bën Vora, ku do të implementohet votimi elektronik dhe rezultati do të mësohet më herët se bashkitë e tjera.
/BN/
