Drejtoria e Burgjeve ka vendosur menjëherë shkarkimin nga detyra e punonjësit të burgut të Peqinit Behar Kola.
Ky i fundit është filmuar nga kamera e fshehtë e emisionit “STOP” duke marrë ryshfet, çka solli edhe largimin e menjëhershëm të tij nga detyra me urdhër të drejtorit të burgjeve Miklovan Kopani.
Njoftimi i Drejtorisë së Burgjeve:
Pas pamjeve te publikuara ne emisionin investigative STOP ku punonjesi I Institucionit te Ekzekutimeve te Vendimeve Penale IEVP Peqin, komisar Behar Kola me detyre Pergjegjes I Grupit te Sigurise dhe Shoqerimit shfaqet duke marre rryshfet, drejtoria e Pergjithshme e Burgjeve ju ben me dije se:
1- Drejtori I Pergjithshem I Burgjeve z. Miklovan Kopani urdheroi pezullimin e menjehershem te punonjesit ne fjale.
2- Nisjen e menjehershem te procedures se shkarkimit.
3- Referimin e rastit ne fjale ne instancat perkatese
Drejtoria e Pergjithshme e Burgjeve falenderon televizionin Klan dhe emisionin STOP per transmetimin e ketij rasti dhe inkurajon cdo media qe te jete krah nesh per luftimin e te tilla rasteve sa te paligjshme aq dhe te papelqyeshme.
Drejtori I Pergjithshem I Burgjeve z. Miklovan Kopani gjen rastin dhe njehere qe t’I beje thirrje cdo punonjesi te sistemit penitenciar qe te zbatoje me rigorozitet vetem ligjin ne respekt te punes dhe institucionit.
