Koalicioni “Shtëpia e Lirisë” ka mbyllur sot me një miting fushatën për Bashkinë e Shkodrës, atje ku garon për kryebashkiak Bardh Spahia.
Ky i fundit duke iu drejtuar shkodranëve, tha se me 6 mars ne do të provojmë se jemi zemra e demokracisë. “Nuk janë thjesht zgjedhje për një kryebashkiak, por janë zgjedhje thellësisht politike”, tha Spahia. Ai u shpreh se ky qytet duhet të kthehet në vendin që i takon, ndaj dhe çdo shkodran në 6 mars duhet të votojë për demokracinë, lirinë dhe mirëqënien.
“Shkodrën e shikoj si mision dhe këtë mision e shikoj si një privilegj të ri. Shkodrën duhet të kthejmë në shtëpinë tonë të përbashkët”, tha Spahia. Ai tha se “Shtëpia e Lirisë” është opozita e vërtetë, ndaj me 6 mars me votat tona, ne nuk do të lejojmë që të na emërojnë opozitat.
