Zv/Kryeministri Niko Peleshi ka folur pas përfundimit të mbledhjes së kryesisë së Partisë Socialiste pasditen e sotme për përplasjen me LSI dhe akuzat e Ylli Manjanit.
Sipas tij, në fokus të mbledhjes ishte organizimi për zgjedhjet e 18 qershorit. I pyetur nga gazetarët se si i komenton akuzat e forta të LSI-së, Niko Peleshi i quajti manovra politike në prag të zgjedhjeve, ndërsa shkarkimin e Ylli Manjanit e argumentoi me faktin e deklaratave që bëri.
“Mund të mirëkuptojmë që partitë në koalicion mund të kenë taktika politike. Deklaratat e Manjanit shpjeguan arsyet përse u shkarkua”, tha zv/Kryeministri.
