Presidenti i Këshillit Evropian, Donald Tusk tha sot se presidenti i Shteteve të Bashkuara të Amerikës, Donald Trump u bashkua me Rusinë, Kinën dhe islamin radikal si një nga kërcënimet për Evropën.
Ai i bëri thirrje evropianëve që të rrinë me njëri-tjetrin për të shmangur dominimin e tre fuqive të tjera kontinentale, raporton Reuters.
Në një letër dërguar udhëheqësve të shteteve anëtare të BE përpara një samiti mbi të ardhmen e Bashkimit pas largimit të Britanisë, të cilin e kryeson ai të premten në Maltë, ish-kryeministri konservator polak tha se politika tregtare e Trump i ofron BE-së një shans dhe ajo duhet të bëjë më shumë tani për marrëveshje të tregtisë së lirë.
