Basha ishte sot në Dibër teksa mbështeti kandidatin për zgjedhjet e pjesshme lokale.
Gjatë fjalës së tij ai nuk harroi të theksonte se Partia Demokratike është një parti proamerikanë dhe do vazhdojë të mbesi si e tillë duke respektuar vlerat e saj.
Basha tregoi për dibranët edhe disa prapaskena nga ajo që ai e quajti ‘’masakra e 2016’’.
“Ky i thotë (Ramës) si t’ja bëj se po më bie telefoni tani, duhet të bëj nderet meqë ju kërkova votën. Dhe ky (Rama) i thotë: ndërro numrin e telefonit. Tjetri i thotë: Si ta ndërroj numrin e telefonit, vitin tjetër kemi prapë zgjedhje. ‘Mos ki merak’, i thotë Edi Rama, se vitin tjetër 20 mijë lekëshi do ti duket 500 euro shqiptarëve’”, deklaroi Basha.
“Kjo është filozofia e një qeveria të mbrapsht: varfëroi shqiptarët që t’ja blesh sa më lirë votën”, u shpreh Basha.
Basha u ndal edhe tek konflikti ushtarak i nisur mes Rusisë dhe Ukrainës duke theksuar se është një kërcënim serioz edhe për stabilitetin në rajon.
