6 vite burg është dënimi që dha gjykata për Andrea Memollarin, të riun që pak muaj më parë shtypi për vdekje sportisten Dhurata Prifti, e cila shpëtoi nga vdekja dy fëmijët e saj.
Vendimi për Memollarin u dha nga Gjykata e Tiranës.
Seancën e kaluar prokuroria kërkoi dënimin me 10 vjet burg për Andrea Memollarin, të riun që në korrik të vitit 2016 shtypi me makinë qitësen e njohur Dhurata Prifti dhe përplasi dy fëmijët që ajo kishte për dore.
Ngjarja ndodhi në udhëkryqin afër Arkivës së Shtetit. Memollari, pas aksidentit, nuk ndaloi, por kaloi me makinë sipër trupit të viktimës dhe u largua, për t’u arrestuar disa orë më vonë.
