Manjati rus Mikhail Uatford u gjet i vetëvarur në bodrumin e shtëpisë së tij në Britaninë e Madhe.
Trupi i pajetë i manjatit është gjetur nga ana e kopshtarit të tij, Uentuorth Estate në Virginia Uater, raportojnë mediat e huaja.
Uatford 66 vjeç ishte babai i 3 fëmijëve, ai e kishte ngritur pasurinë e tij nga rafineritë e naftës në Ukrainë dhe më pas u transferua në Britani, për të krijuar një firmë pronash.
Policia angleze po heton vdekjen e manjatin, pasi dyshohet se ai mund të ketë qenë pjesë e listës së zezë të rusëve. Një mik i familjes ka thënë se gjendja e tij e rënduar shpirtërore, “mund të jetë ndikuar nga lufta që nisi Rusia në Ukrainë”.
Një tjetër mik tha se vdekja e biznesmenit ngre shumë dyshime dhe se kjo ngjarje është e vështirë të shikohet e ndarë nga pushtimi rus që po i ndodh Ukrainës.
Ai dhe gruaja e tij estoneze, Jane, jetonin me dy fëmijët e tyre dhe një djalë më të madh nga martesa e tij e parë në një rezidencë prej 18 milionë dollarësh.
Uatford ndryshoi mbiemrin e tij nga Tolstosheya pasi u transferua në Britani vitet 2000.
