Ish-Kryeministri Sali Berisha, në fjalën e tij të mbajtur në takimin përmbyllës së fushatës në Rrogozhinë, komentoi edhe kandidatin e Lulzim Bashës në këtë bashki.
Berisha theksoi se kandidati i Bashës konkurron vetëm për ta penguar Hekuran Xhanin.
“Hiqni dorë nga Lulzim Brava. Përpos përfaqësuesit të Edi Ramës, në Rrogozhinë konkurron edhe kandidati i Lulzim Bravës. Ai konkurron me qëllimin më të pandershëm, që të pengojë Hekuran Xhanin, kandidatin e opozitës së vërtetë. Iu bëj thirrje demokratëve të Rrogozhinës, të bashkohemi më 6 mars dhe të votojmë për të qenë opozita e vërtetë.
Ta lënë Ferdinandin në fatin e tij dhe të Lul Bravës. Loja e Ramës me fasadë opozitën është lojë kundër pluralizmit. Keni qenë dhe duhet të mbeteni opozitarë të vërtetë, votoni Shtëpinë e Lirisë më 6 mars”, deklaroi Berisha.
Ish-Kryeministri tha se me 6 mars çdo votë duhet për Hekuran Xhanin, pasi është një mbjellje shprese për të rinjtë tanë, për veten tonë është mesazhi i shpresës për të cilën ka nevojë qytetari shqiptar dhe Shqipëria.
“Krahas përfaquesit të Ramës këtu konkurron edhe përfaqësuesi i Lulzim Bravës, i bashkërënduar me të parin, me qëllimin më të pandershëm që të dëmtojë kandidatin e opozitës Hekuran Xhanin.
Me këtë rast i bëj thirrje të gjithë demokratëve të Rrogozhinës që të bashkohen në 6 mars me opozitën e vërtetë dhe ta lëmë Ferdinandin në fatin e tij dhe të Lul bravës, në qoftë se nuk do të bashkohet edhe ai me ne.
Loja e Edi Ramës me fasadë opozitën është një lojë kundër lirive tona është një lojë kundër pluralizmit ndaj dhe ju ftoj të gjithë ju demokratë që keni ndonjë skepticizëm dhe ndiqni ish-kryetarin e partisë hiqni dorë prej tyre, bashkohuni me partinë tuaj, ju keni qënë opozitarë të vërtetë të tillë duhet të mbetni dhe ta provoni këtë në datën 6 mars.
Së fundi, thirrja ime për të gjithë ju, për të gjithë banorët e Rrogozhinës, në këto pak ditë që na kanë mbetur nga 6 marsi, të përdorni çdo mundësi komunikimi, me telefon, me mesazhe, me takime me çdo të njohur, çdo mik, çdo familjar tuajin që banon në këto gjashtë bashki që janë në zgjedhje të kërkoni votën e tyre për kandidatët e Shtëpisë së Lirisë për opozitën e vërtetë. Rroftë populli i Rrogozhinës votoni për Hekuran Xhanin”, tha Berisha.
