Qindra njerëz kanë marrë pjesë në stërvitjen “Si ta digjni një tank rus”, ka thënë Forcat e Armatosura të Ukrainës.
Në fotografitë e shpërndara të qytetarëve në qytetin ukrainas Zhytomyr, shihen koktej molotovi të gjuajtura në një lloj objekti.
“Në Zhytomyr, qindra njerëz morën pjesë në stërvitjen ‘Si ta digjni një tank rus’”, thuhet në postimin në Twitter të forcave.
Sot është e gjashta ditë prej kur nisi sulmi i Rusisë ndaj Ukrainës. Janë regjistruar qindra të vdekur nga të dyja palët deri tash, ndërsa po vazhdojnë përpjekjet e rusëve për të hyrë në kryeqytet.
