Vetëdorëzohet në polici efektivi Arbër Sula. Ai dyshohet si autor i vrasjes së të riut Jurgen Duka, krim i ndodhur në një supermarket në Tiranë, pas një sherri për rradhën se kush do paguante i pari
Ngjarja e rëndë ndodhi pak pas mesnatës (14 dhjetor), në një supermarket në Tiranë në rrugën Irfan Tomini, ndërsa shkak u bë sherri mes dy personave se kush do paguante i pari tek kasa.
Autori i vrasjes, me detyre agjent krimesh me detyrë në Dibër, u shpall në kërkim nga policia.
Viktima Jurgen Duka ka tentuar t’i paguaj edhe pijet policit Sula, veprim që është evidentuar edhe përmes videove që sekuestroi policia. Duket se kjo ka sjell acarimin e policit, i cili e ka kundërshtuar, e pas konfliktit e ka qëlluar me armën e punës.
Fillimisht Jurgen Duka ka mbetur i plagosur ndërsa ka ndërruar jetë në spitalin e Traumës në Tiranë pasi plumbi e preku në zemër.
