“Sulmi rus ndaj Ukrainës ka dështuar”, u shpreh kolonel Dritan Demiraj, njëherësh ish-ministër i Brendshëm.
Në studion e Radar Informativ, Demiraj tha se luftimet në Ukrainë kanë hyrë në fazan e dytë dhe se Rusia ka dështuar në të parën.
“Ndodhemi në fazën e dytë, dukshëm që faza e parë dështoi. Ushtria ruse ka qenë krejtësisht e papërgatitur. Taktika ka qenë jo e suksesshme. Pra jemi në fazan e dytë”, tha ai.
Demiraj thekson më tej se Putin kishte 8 vite që përgatitej për këtë luftë, që nga viti 2014 kur aneksoi Krimenë. Sipas tij inteligjenca ruse ka dështuar dhe se lufta informative është fituar nga Ukraina. Ish-ministri thotë se pikërisht kjo po e tërbon Putinin.
Sipas tij, synimet e Vladimir Putin shkojnë përtej Ukrainës.. Demiraj thotë se objektivi i Putinit kanë qenë tre vendet baltike, Letonia, Lituania dhe Estonia.
Megjithatë, situata në Ukrainë nuk shkoi sipas parashikimeve të tij dhe siç thotë Demiraj, presidenti rus po përpiqet të gjejë rrugëdalje.
“Edhe përpara ve të ndodhte pushtimi kam deklararuar se objektivi i Putinit ka qenë Ukrainë dhe më pas janë tre vendet baltike. Të treja këto vende rreth 25% të popullsisë e kanë ruse. Këto plane nuk besoj se do të vazhdojnë. Në këtë situate po kërkon një strategji dalëse. Ka qenë një lider i fortë. Në 10 vitet e fundit nuk ka pyetur për asnjë. Më të rrezikuarat janë tre republikat baltike”, u shpreh ish-ministri.
