Gjergji Buxhuku, administrator i Konfindustria, thotë se Shqipëria është në prag të kolapsit ekonomik, e kryesisht për shkak të problematikave të veta të brendshme sesa ata që vijnë nga jashtë nga një situatë si lufta.
“Rritje të çmimeve ka indirekt, sepse vijnë nga tronditja e bursave. Rusia dhe Ukraina janë vende kryesore në botë për prodhim të grurit. Nuk duhet të kemi panik për sigurimin e miellit. Nafta dhe gazi janë rritur edhe më parë, por rritja vazhdon edhe për shkak të konfliktit, teksa fuçia e naftës ka shkuar 105 dollarë. Gjendja ekonomike në vend është kritike, jemi në prag të kolapsit”, thotë Buxhuku.
Sipas tij, Shqipëria ka pasur çmimin më të lartë në Ballkan e Europë e ta krahasosh me fuqinë tonë blerëse, mund të jemi edhe në vendin e parë në botë, më së paku çmimi i naftës të jetë në nivel të shteteve rajonale.
“Fatkeqësisht tregu i naftës është monopol e kjo sjell pasoja të rënda. Duhen menaxhuar rezervat e energjisë elektrike. Ne më shumë kemi probleme të brendshme sesa varen nga lufta që po bëhet në Ukrainë”, shprehet ai.
