Kryebashkiaku i Kievit, Vitali Klitschko, ka paralajmëruar këtë të martë se “armiku është në periferi të kryeqytetit”, duke shtuar se ushtria ukrainase “po përgatitet të mbrojë Kievin”.
Ai ka thënë në një video-mesazh se “Forcat tona të armatosura, Forcat e Mbrojtjes Territoriale, po luftojnë heroikisht për tokën tonë”.
Ish-kampioni i botës në boks, kryebashkiaku Klitschko iu ka bërë thirrje qytetarëve të qëndrojnë në banesa, ndërsa është shprehur se në hyrjet e kryeqytetit janë ndërtuar fortifikime e postblloqe.
“Në hyrje të qytetit janë ndërtuar fortifikime dhe postblloqe. U kërkoj të gjithëve të ruajnë qetësinë. Mos dilni jashtë pa arsye dhe qëndroni brenda në rast alarmi”, ka deklaruar kryebashkiaku.
Lexo edhe:
Rusia paralajmëron: Do godasim objektivat në Kiev, banorët të largohen
