Bjellorusia nuk ka plane t’i bashkohet operacionit ushtarak të Rusisë në Ukrainë, citohet të ketë thënë të martën presidenti bjellorus Alexander Lukashenko.
Lukashenko mohoi akuzat e Kievit se trupat ruse po sulmonin Ukrainën nga territori i Bjellorusisë, njoftoi agjencia shtetërore e lajmeve bjelloruse Belta.
Më herët, është raportuar për mundësinë që Lukashenko të jepte urdhër që ushtria e vendit të tij ti bashkohej asaj ruse në pushtimin e Ukrainës, që këtë të Martë shënon ditën e 6.
Vetë Lukashenko tha javën e kaluar se trupat e tij ushtarake mund të merrnin pjesë në operacionin ushtarak të Rusisë kundër Ukrainës nëse është e nevojshme.
