Ditën e sotme një vendim i Gjykatës së Tiranës ka urdhëruar pezullimin e Armand Dukës nga ushtrimi i detyrës së Presidentit të FSHF-së.
Në lidhje me këtë vendim, ka reaguar edhe analisti Andi Bushati.
Ky i fundit, në mënyrë ironike shkruan se, pas Rusisë që ka nisur një luftë, Shqipëria është vendi i dytë që do i anulohet një finale evropiane në futboll.
‘Kështu si po veprojnë gjykatat e përdhosura në Shqiperi, me urdhër të Veliajt, Shqipëria mund të jetë vendi i dytë pas Rusisë së Putinit që nisi një luftë, të ciles mund ti anulohet një finale europiane në futboll’, shkruan Andi Bushati në reagimin e tij të shkurtër në Facebook.
Vendimi :
1.Pranimin e kërkesës.
-Caktimin si masë sigurimi ndalues ndaj personit nën hetim Ardian Haçi,atë të “Pezullimi i ushtrimit të një detyre a shërbimi publik” të parashikuar nga neni 242 i K.Pr.Penale.
2.Pranimin e kërkesës
-Caktimin si masë sigurimi ndalues ndaj personit nën hetim Ilir Shulku, atë të “Pezullimi i ushtrimit të një detyre a shërbimi publik” të parashikuar nga neni 242 i K.Pr.Penale.
3.Pranimin e kërkesës.
-Caktimin si masë sigurimi ndalues ndaj personit nën hetim Armando Duka, atë të “Pezullimi i ushtrimit të një detyre a shërbimi publik” të parashikuar nga neni 242 i K.Pr.Penale.
4.Rrëzimin e kërkesës
-Për caktimin si masë sigurimi ndaluese ndaj personit nën hetim Koço Kokëdhima,atë të “Pezullimi i ushtrimit të një detyre a shërbimi publik” të parashikuar nga neni 242 i K.Pr.Penale.
5.Vendimi t’i njoftohet Prokurorisë së Rrethit Gjyqësor Tiranë.
6.Vendimi t’i njoftohet personave nën hetim Ardian Afrim Haçi, Ilir Ismail Shulku, Armando Enver Duka dhe Koço Theodhori Kokëdhima.
7.Kundër këtij vendimi për caktimin e masës së sigurimit lejohet ankim brënda 5 (pesë)ditëve duke filluar ky afat nga njoftimi i vendimit të Gjykatës
