Këngëtari i njohur ukrainas, Andriy Khlyvnyuk është zotuar të luftojë për vendin e tij ndërsa mijëra civilë marrin armët kundër forcave ruse.
“Unë do t’i çoj fëmijët e mi në një shtëpi të sigurt, te gjyshja,” tha Khlyvnyuk për Euronews. “Dhe pastaj do të kthehem për të ndjekur udhëzimet e qeverisë dhe nëse është e nevojshme do të marr armën dhe do të shkoj të luftoj për vendin tim.”
“Muzikantët janë paqebërës,” shtoi ai. “Por jo nuk është koha për të luajtur kitarë. Është koha për të marrë pushkët.”
Трішки мотивації від лідера гурту «Бумбокс» Андрія Хливнюка 🇺🇦 pic.twitter.com/VQFdRjahGF
— ВОЇНИ УКРАЇНИ🇺🇦 (@ArmedForcesUkr) February 28, 2022
Andriy Khlyvnyuk është këngëtari kryesor i grupit Boom Box. Boom Box ka publikuar nëntë albume dhe ka grumbulluar më shumë se 100 milionë shikime në YouTube. Ata performojnë në ukrainisht, rusisht dhe anglisht, por kanë refuzuar të luajnë në Rusi që nga aneksimi i Krimesë në 2014.
