Oligarku rus, Roman Abramoviç, i cili sapo dha dorëheqjen nga drejtimi i skudrës së Chelsea-t, është pjesë e negociatave ndërmjet Rusisë dhe Ukrainës, që po zhvillohen në Gomel të Bjellorusisë.
Abramoviç, i cili ka edhe në pasaportë Izralite, mësohet se është nisur mbrëmjen vonë të së dielës për t’iu bashkuar këtë të hënë palëve në konflikt.
Lajmin e ka dhënë gazeta izraelite, “Jeruzalem Post”. Sipas të përditshmes, Abramoviç do “të ndihmojë bisedimet, me kërkesë të Ukrainës”.
Ky lajm përbën një prej befasive kryesore të këtyre diskutimeve, të cilat duhet pranuar se nuk janë aspak të lehta, ndërkohë që në qytete të ndryshme të Ukrainës vijojnë betejat ushtarake.
Roman Abramoviç është një prej oligarkëve pranë Putinit. Ai ka ndarë jetën e tij mes Moskës dhe Londrës, ku në dekadën e fundit ka qenë në pronësi të skuadrës së famshme të futbollit në kryeqytetin britanik.
Në vitin 2018, Abramoviçit iu kufizua hyrja në Britaninë e Madhe, si pjesë e sanksioneve kundër miqve të Putinit, pasi ushtria moskovitë pushtoi rajonin e Krimesë në Ukrainë.
Tashmë, kur Putin ka urdhëruar sulmin frontal mbi Ukrainën, Britania e Madhe ka vendosur ndalimin e hyrjes së tij në vend, pasi e konsideron si një prej personazheve që furnizon me para presidentin e Rusisë.
