Kapet 31-vjeçari me hashash në makinën e modifikuar (VIDEO)

Shërbimet e policisë së Shkodrës në bashkëpunim me shërbimet Policisë Kufitare në Muriqan, në bazë të informacioneve të siguruara në rrugë operative bënë të mundur arrestimin në flagrancë të Manush Teqes, 31 vjeç, banues në Tiranë.
Arrestimi i tij u bë pasi, gjatë kontrollit të detajuar, të ushtruar në vijën e dytë nga shërbimet e Policisë Kufitare, (në dalje të Republikës së Shqipërisë) automjetit tip “Volsvagen” me targa AA 513 PM, të cilin ky shtetas drejtonte, në një vend të modifikuar në pjesën e poshtme të mjetit, u gjetën dhe sekuestrua 31 kg Cannabis Sattiva. Nga veprimet hetimore të kryera, rezulton se shtetasi i mësipërm kishte si destinacion vendet e BE.