Sulmuesi i Kosovës, Elbasan Rashani është duke kaluar një moment mjaft të mirë, te skuadra e Klermontit që militon në elitën e futbollit francez. Sulmuesi 28-vjeçar ka realizuar ditën e sotme golin e 6-të në kampionat, duke u shndërruar në një lider te skuadra e tij.
Rashani gjeti rrugën e rrjetës në minutën e 32-të në përballjen ndaj Bordosë. Pas një harkimi të Zedadkës nga e djathta, shqiptari i Kosovës, goditi fluturimthi brenda zonës, duke shtangur portierin kundërshtar. Pjesa e parë e sfidës mes Klermontit dhe Bordosë përfundoi në barazim 1-1.
