Deputeti Kreshnik Çollaku, përmes një postimi në rrjetet sociale, shkruan se është paditur në SPAK për shpifje, nga Komisioni i Rithemelimit të PD.
Në reagimin e tij, Çollaku thekson se u padit për shkak se disa javë më parë ka shkruar se “Rusia dhe inteligjenca antiNato përpiqen të destabilizojnë Ballkanin duke shfrytëzuar konflikte të brendeshme etnike, fetare dhe politike”.
Dhe në vijim, deputeti i rreshtuar në krah të Bashës shton “do ta kuptoja nga ndonjë avokat i qeverisë ruse këtë lloj padie, por nga “demokratët sovranistë” të Tiranës është çudi e madhe”.
Postimi nga Kreshnik Çollaku
Mos e besoni po deshet.
Jam paditur per “Shpifje” ne SPAK nga Komiteti i Rithemelimit se kam thene disa jave me pare se “Rusia dhe inteligjenca antiNato perpiqen te destabilizojne Ballkanin duke shfrytezuar konflikte te brendeshme etnike,fetare dhe politike”.
Do ta kuptoja nga ndonje avokat i qeverise ruse kete lloj padie, por nga “demokratet sovraniste” te Tiranes eshte cudi e madhe.
I paditur apo jo bindja ime mbetet, Rusia sikunder po shkaterron Paqen ne Evrope, sikunder kundershton zgjerimin e Nato po perpiqet dhe do te perpiqet te destabilizoje Ballkanin.
