Një delegacion rus ka mbërritur në Bjellorusi për bisedime ‘imagjinare’ me përfaqësuesit ukrainas, u tha gazetarëve zëdhënësi i Kremlinit Dmitry Peskov, sipas agjencisë shtetërore ruse të lajmeve RIA-Novosti.
Peskov tha se delegacioni përfshinte përfaqësues të Ministrisë së Punëve të Jashtme, Ministrisë së Mbrojtjes dhe departamenteve të tjera, përfshirë administratën presidenciale, raportoi RIA.
“Ne do të jemi gati për të filluar këto negociata në Gomel”, tha Peskov, sipas RIA.
Kremlini ka vazhduar të dërgojë mesazhe se Rusia do të dërgojë përfaqësues në kryeqytetin bjellorus, Minsk për të biseduar me Kievin, pavarësisht sulmit të vazhdueshëm dhe të paprovokuar të ushtrisë së saj ndaj Ukrainës.
Kremlini ka pretenduar më parë se pala ukrainase ishte kundërpërgjigjur me një propozim për t’u takuar në Varshavë dhe më pas kishte hequr dorë nga kontaktet.
Zyrtarët e lartë ukrainas dhe presidenti ukrainas Volodymyr Zelensky kanë shprehur gatishmërinë për të biseduar paqe me Rusinë, por derimë tani ata këmbëngulin për një vend tjetër takimi./faxweb.al
