Gjermania ka thënë se do të mbështesë kufizimin e Rusisë nga SWIFT.
Ministrja e Jashtme gjermane Annalena Baerbock dhe ministri gjerman i Ekonomisë Robert Habeck në një deklaratë të përbashkët thanë se ata janë “nën presion të lartë për të shmangur dëmtimin kolateral kur shkëputen (Rusia) nga SWIFT, në mënyrë që të godasë njerëzit e duhur. Ajo që na nevojitet është një kufizim i synuar dhe funksional i SWIFT”, shkruan BBC News.
Gjermania është vendi i fundit i BE-së që hoqi kundërshtimin ndaj sanksionit, pasi kryeministri i Italisë Mario Draghi dhe udhëheqësi hungarez Victor Orban sinjalizuan mbështetjen e tyre më herët të shtunën. Presidenti ukrainas Volodymyr Zelensky tha se ai ishte “mirënjohës” ndaj vendeve të BE-së për këtë vendim kundër agresionit rus.
Por çfarë është SWIFT?
Heqja e Rusisë nga SWIFT do ta bënte pothuajse të pamundur për institucionet financiare dërgimin e parave brenda ose jashtë vendit, duke shkaktuar një tronditje të papritur për kompanitë ruse dhe klientët e tyre të huaj, veçanërisht blerësit e eksporteve të naftës dhe gazit në dollarë amerikanë.
