Forcat e Ndërhyrjes së Shpejtë, RENEA dhe forcat shqiponja të drejtorive vendore kanë ushtruar kontrolle të rrepta në disa qytete të vendit.
Vlora, Fieri dhe Elbasani kanë qenë në shënjestër të këtyre forcave, të cilat përmes postblloqeve të lëvizshme kryejnë kontrolle për ndalimin dhe më pas shoqërimin jo vetëm të personave të shpallur në kërkim dhe me precedentë penalë por dhe të atyre që kryejnë shkelje të Kodit Rrugor.
Në shënjestër të këtyre kontrolleve kanë qenë makinat luksoze.
Sipas burimeve ky operacion ka nisur që mbrëmjen e djeshme, ku janë kontrolluar dhe shoqëruar disa persona në disa ambiente, të cilët policia dyshon që luhen lojëra fati.
Aktualisht ne Elbasan janë stacionuar dy grupe FNSH, ku një grup do të qëndroj në postbllok dhe grupi tjetër do të patrullojë në qytet i shoqëruar nga “Shqiponjat”.
Postblloqet e ngritura ndodhen në Bradashesh dhe tek kthesa e quajtur “Kadiu”.
Ndërkohë në Vlorë e Fier grupet janë të lëvizshme në të gjitha lagjet.
