Deputetja Albana Vokshi, kryetare e LDGSH, gjatë një takimi elektoral në Shkodër, në mbështetje të kandidatit të koalicionit “Shtëpia e Lirisë”, Bardh Spahia, tha se me 6 mars qytetarët do i bashkohen ndryshimit të madh.
Vokshi tha se Shkodra përmban një univers të pafund vlerash historike dhe kombëtare, ndërsa shprehu mirënjohje të pafund për gratë dhe vajzat shkodranë për kontributin që kanë dhënë në vendosjen e gurit të themelimit për demokracinë shqiptare.
Deputetja tha se kjo fushatë për zgjedhjet e 6 marsit ka një ndjesi të veçantë, pasi gruaja shqiptare është në një udhëkryq, me rritjen e varfërisë, papunësisë, dhe diskriminimit të grave dhe vajzave nga Qeveria e Edi Ramës.
“Edi Rama shkaktoi dhimbjen e jetës që qindra mijëra nënave, solli plagën e rëndë të emigracionit”, tha Vokshi.
Ajo tha se kandidati Bardh Spahia është më seriozja që kanë qytetarët shkodranë, ndaj shprehu bindjen se gratë dhe vajzat e Shkodrës, jo vetëm votën e tyre, por do të trokasin në çdo derë, për të kërkuar mbështjen për kandidatin e “Shtëpisë së Lirisë”.
Vokshi tha se ndryshimi fillon me 6 mars, ndaj dhe vota juaj ka vlerë jo vetëm për zgjedhjen e Bardhit si kryebashkiak, por për të gjithë Shqipërinë. “Dilni masivisht në votime me 6 mars”, tha Vokshi.
