Pas akuzave dhe ironive që Erion Veliaj bëri ndaj Jorida Tabakut dhe Grida Dumës, gjatë një takimi elektoral në Rrogozhinë, ka ardhur edhe reagimi i Partisë Demokratike të drejtuar nga Lulzim Basha.
Përmes një postimi në rrjetet sociale, thuhet se Veliaj është i përfshirë në aferën 430 milionë euro të inceneratorëve. Ai ka gënjyer në komisionin hetimor
“Erion Veliaj ka dhënë miratimin për projektin e Inceneratorit të Tiranës, pa vendim të Këshillit Bashkiak të Tiranës;
Erion Veliaj detyron kompanitë të depozitojnë dhera dhe interte në Inceneratorin e Tiranës pa asnjë vendim, 45 milionë euro të ardhura shtesë;
Inceneratori i Tiranës kontratë edhe për 30 vite. 30 mijë euro dëm në ditë, 900 mijë euro në muaj shtesë, 10 milionë euro në vit shtesë”, thuhet në postimin e bërë në faqen zyrtare të PD në rrjetin social, ku është publikuar edhe video e mëposhtme me punimet nga Komisioni hetimor për Inceneratorët.
