Shkonte në Kosovë për të grabitur makina e banesa, arrestohet efektivja e Forcave Operacionale në Policinë e Shtetit.
Nga raportimet meditiake mësohet se efektivja, emri i së cilës nuk bëhet publik, është arrestuar nga Agjencia e Mbikëqyrjes Policore.
Ajo akuzohet për vjedhje të banesave dhe të një automjeti. Çështja u referua në policinë shqiptare nga policia e Kosovës.
Raportohet se ajo u ndalua në kufirin mes Kosovës dhe Shqipërisë, në territorin e Republikës së Kosovës, ndërsa po drejtonte një makinë të vjedhur, të cilës i kishte ndërruar targat.
Raportohet se vjedhjet efektivja e Forcave Operacionale i kryente bashkë me disa persona të tjerë.
