Gent Sejko zgjidhet për herë të dytë gurvenator i Bankës së Shqipërisë. Në seancën e sotme parlamentare pro Sejkos kanë votuar 103 deputetë, përfshi këtu edhe ato të opozitës.
Një ditë më parë në Komisionin Parlamentar të Ekonomisë, kandidatura e Sejkos mori mbështetjen nga deputetët e mazhorancës dhe opozitës.
Sejko u dekretua për një mandat të dytë në krye të Bankës së Shqipërisë nga Presidenti Ilir Meta.
Ai drejton Bankën e Shqipërisë që prej 5 shkurtit të vitit 2015.
Guvernatori vepron si Drejtor i Përgjithshëm Ekzekutiv i Bankës së Shqipërisë, i ngarkuar për mbarëvajtjen e veprimtarisë së përditshme të saj dhe si Kryetar i Këshillit Mbikëqyrës të Bankës së Shqipërisë.
Guvernatoret e BSH nder vite
Ardian Fullani (Tetor 2004 – Shtator 2014)
Prof. Dr. Shkëlqim Cani (Gusht 1997 – Tetor 2004)
Qamil Tusha (Prill 1997 – Gusht 1997)
Kristaq Luniku (Dhjetor 1994 – Prill 1997)
Dylber Vrioni (Shtator 1993 – Dhjetor 1994)
Ilir Hoti (Maj 1992 – Shtator 1993)
