“Marrëdhënie korruptive mes një zyrtari të lartë dhe një kompanie”, e ka cilësuar Kryeministri Edi Rama pozitën e ish-ministrit të Mjedisit, Lefter Koka, i cili ndodhet me masën e sigurisë arrest me burg, në kuadrin e hetimeve që SPAK po zhvillon ndaj inceneratorëve.
Rama disa herë ka pohuar se ka punuar shkëlqyeshëm me Lefter Kokën si ministër i Mjedisit, por nuk mban përgjegjësi për veprimet individuale të tij, që s´kanë lidhje me raportet mes Kryeministrit dhe ministrit.
“Si na thoni ju këtu që shteti nuk funksionon, kur kemi një ish-ministër në akuzë për çështje që skanë lidhje me Qeverinë as me vendimet e miratuara prej saj”, tha Rama.
Kryeministri ka ironizuar kryetaren e Komisionit, Jorida Tabaku, lidhur me 430 mln eurot, ndërsa tha “kur unë të bindem për këtë që ju thoni, atëherë do të bashkohem me atë partinë tuaj që ka mbetur dhe do e kapim për fyti pastaj atë organizatën kriminale. Ju kërkoni nga Kryeministri gjëra që përgjigjen supervizorët”.
“Kur ikën në Botën tjetër nuk ka nevojë pvr konto bankare dhe unë dua që ti le emrin atyre që vjnë pas, sikundër prindërit e mi më kanë lënë emrin mua”, tha Rama, ndërsa shtoi “është hera e dytë që përballem me një komision, herën e parë flitej për mijëra euro, ndërsa ju të gjeneratës së re flisni me miliarda”.
