Kryeministri Edi Rama u shpreh se buxheti i shtetit ka paguar 36.6 mln euro për Elbasanin dhe 24.7 mln euro për Fierin, dhe unë nuk e di se nga e keni nxjerrë ju shifrën 100 mln euro që kanë dalë nga buxheti i shtetit.
Para Komisionit Hetimor parlamentar për inceneretarët, Rama kërkoi që ti vihej në dispozicion dokumenti që tregohej se ishin paguan 100 mln euro, ndërsa Jorida Tabaku u shpreh “baza janë dokumentet nga thesari i shtetit”.
“A jeni në dijeni që deri më sot janë financuar 100 mln euro për inceneratorët?
Z.Rama kontratat e dy inceneratoreve, djegësve të mbetjeve ne qytetin e Elbasanit dhe të Fierit dhe kontrata e djegësve të mbetjeve të qytetit të Tiranës që deri më sot marrë një pagese 35 mln euro nga buxheti i shtetit, në një formë financiare të përcaktuar nga ligji, nëpërmjet transfertave të pakushtëzuar, të paguara nga institucionet e shtetit shqiptar.
A jeni në dijeni që deri më sot janë financuar 100 mln euro?”, tha Tabaku.
Në replikë me Kryetaren e Komisionit Hetimor, Rama tha se “informacioni që i referoheni thesarit është thelbi. Jemi shumë dakort deri te 55 mln për Elbasanin dhe Fierin, por me të gjithë operimin dhe trajtimin e mbetjeve me zero për qytetarët dhe zero për Bashkitë”.
“Kur dëgjoja shifrën 430 mln euro, unë pyeta veten ku mi çuan lekët këta të grupit kriminal dhe s´mi kanë sjellë mua”, ironizoi Edi Rama, duke vijuar show-n në Komisionin Hetimor parlamentar.
Ai tha se impianti në Tiranë i përpunimit të mbetjeve ndërtohet 100 % me paratë e investitorit. “Shifra 360 mln shkon në vitin 2047 dhe pagesat që ju përmendi janë për grumbullimin dhe përpunimin e plehrave. Natyrisht që kjo bëhet edhe pa pagesë po bëhet si në Sharrë apo Porto Romano ku plehrat digjeshin në rrugë. Këto pagesa bëhen për kompaninë, janë pagesa për ton”, tha Rama.
