Për ministrin e Financave Arben Ahmetaj, i cilësuar si një nga njerëzit më të afërm me Ramën, koalicioni mes PS-së dhe LSI-së do të vazhdojë në dhe pas zgjedhjeve të ardhshme të qershorit.
Ahmetaj tha, pas një takimi me Bankën Botërore, se aleanca me LSI është e fortë.
“Padyshim, Aleanca është e fortë. Këto janë elementë normalë të zhvillimit të një marrëdhënie, gjëja më normale të ketë debate, e kanë nevojë që debatet e diskutimet të jenë brenda etikës, por aleanca duhet të vazhdojë”, tha Ahmetaj për mikrofonin e “News24”.
