Është shoqëruar me debate seanca dëgjimore në Komisionin Hetimor për Inceneratorët ku po jep dëshminë e tij Sekretari i Përgjithshëm i Kryeministrisë, Ëngjëll Agaçi.
Teksa anëtari i PD, Helidon Bushati ka marrë fjalën, është ndërprerë nga zonja Felaj.
Më tej kryetarja Tabaku i ka treguar Agaçit një shkresë për inspektimin financiar për inceneratorin e Elbasanit ky i fundit u shpreh se nuk ka pasur dijeni për të.
Bushati drejtuar Agaçit: Nuk jeni aq impaktues në nivel të institucioneve qendrore.
(Ndërhyrje nga Felaj)
Bushati: Nëse doni me bërë zhurmuesin i them siç i thashë Ballukut. Nuk iu ndërhyra, më lini të flas. Ka lidhje me edukatën, vijmësinë e mendimit. S’ma merr dot fjalën. Unë mirkuptimin e kam për të gjithë, nuk ndërhyj tek asnjëri. Ju o vendosni precedentë që s’janë parë. I çoni një mesazh zyrtarëve të mazhorancës që të rrinë të qetë, funksionoi me Ballukun.
Tabaku (tregon shkresën): A keni dijeni për këtë inspektim financiar për inceneratorin e Elbasanit?
Agaçi: Pasi e pashë këtë vendim shpresoj që memoria të mos më gënjejë, por në dijeninë time jo.
Tabaku: A nuk ka një sistem qeveria shqiptare?
Agaçi: Sekretari i Përgjithshëm ndjek procesin e vendimarrjes së Këshillit të Ministrave.
